💥 مساء الخير رغم إنه ثبت عكس ذلك 💔😤
في محافظة المنوفية، وتحديدًا في مدينة تلا، طالب عنده 20 سنة اسمه "راجح"، عيل متني ما يسواش نكلة، من النوعيات اللي اللي اتربت على ثقافة السرسجية، واتطبع بأخلاق المشردين وسينما السبكي، وبيطبق نموذج رجولة محمد رمضان..
اعترض طريق بنت ووقفها في الشارع، اللي فرد هيمنته عليه زي أي بلطجي محترم، وزعق لها كنوع من الرجولة المغلوطة، حاجة كدا أقرب للكلب البلدي لما بيفرض سيطرته على القطيع..
وفيه إضافة جديدة، إن "راجح" دا نزل صور خاصة له ستوريز بالغلط، والبنت دي أخدتها، وعشان كدا لما وقفها مد إيده عليها وخد موبايلها، ودي معلومة مش متأكد منها، ولكنها من ضمن التفاصيل اللي الشهود بيحكوها..
اتصدر له طالب ثانوي غلبان باين من صورته، 18 سنة لسة، عود أخضر صحيح بس عنده نخوة، دا للي ما يعرفهاش يعني، غيرة، دمه حامي، زي أي راجل طبيعي، اسمه "محمود البنا"، شاب زي الورد، عاتبه على موقفه من البنت، ودي طبيعة أخلاق ولاد البلد يعني، طبعًا كان الرد عليه بالتريقة والتقليل منه وكدا..
أصل دايمًا العود المكسور يعايب على العود السليم!
المهم "محمود" نزل استوريز على الفيس، كتب فيها: "اللي يزعق لحرمة يبقى حرمة"
فما كان من "راجح" دا إلا إنه اتربص له هو وشوية من المقاطيع بتوعه، وفعلًا ثبتوه في الشارع، و"راجح" ضربه، واتصور فيديو ما قدرتش ارفعه، ولكن هتلاقوه منتشر لو عايزينه، "محمود" باين عليه الرعب، وكل اللي ماشي حواليه عمل اعمى!
واحد بس حاول يحوش، فراح واحد من المقاطيع مانعه، لحد ما راح "راجح" مطلع مطواة وطعن "محمود" في بطنه وجانبه وضهره، وبعدين رشقها في رقبته، عشان يموت ودمه يروح هدر، بسبب التربية الوسخة، والبيئة الفاسدة اللي بقينا مضطرين نطلع عيالنا فيها.
أصحاب "محمود" عملوا هاشتاج #راجح_قاتل على تويتر، وهو المتصدر دلوقت، كنت في الأول مفكر الهاشتاج #راجل_قاتل ! كنت مندهش، هو اللي قتل دا ازاي يوصفوه بالراجل، دي صفة أبعد ما تكون عنه هو وأهله، ربنا يرحم المقتول ويبرد نار أبوه وأمه..
القاتل دا نبت فاسد، هو وعيلته اللي يقال ماعرفوش يلموه فشجعوه، شرب مخدرات وتصرفات مشينة وحاجة تقرف، ودايمًا العيلة أو الأسرة هي مكنة التفريخ اللي بيقوم على انتاجها المجتمع، لأنها بتصنع أهم عنصر في أي وطن، ألا وهو المواطن نفسه..
وعشان كدا إذا صلحت العيلة صلح المجتمع كله، وإذا فسدت فسد المجتمع كله،
"فالعائلة الفاسدة هي النكبة التي تخسف بأي مجتمع" 👌💔😤👊
الحادثة دي لازم تبقى تريند، شيروها،
Nery Gabr
في محافظة المنوفية، وتحديدًا في مدينة تلا، طالب عنده 20 سنة اسمه "راجح"، عيل متني ما يسواش نكلة، من النوعيات اللي اللي اتربت على ثقافة السرسجية، واتطبع بأخلاق المشردين وسينما السبكي، وبيطبق نموذج رجولة محمد رمضان..
اعترض طريق بنت ووقفها في الشارع، اللي فرد هيمنته عليه زي أي بلطجي محترم، وزعق لها كنوع من الرجولة المغلوطة، حاجة كدا أقرب للكلب البلدي لما بيفرض سيطرته على القطيع..
وفيه إضافة جديدة، إن "راجح" دا نزل صور خاصة له ستوريز بالغلط، والبنت دي أخدتها، وعشان كدا لما وقفها مد إيده عليها وخد موبايلها، ودي معلومة مش متأكد منها، ولكنها من ضمن التفاصيل اللي الشهود بيحكوها..
اتصدر له طالب ثانوي غلبان باين من صورته، 18 سنة لسة، عود أخضر صحيح بس عنده نخوة، دا للي ما يعرفهاش يعني، غيرة، دمه حامي، زي أي راجل طبيعي، اسمه "محمود البنا"، شاب زي الورد، عاتبه على موقفه من البنت، ودي طبيعة أخلاق ولاد البلد يعني، طبعًا كان الرد عليه بالتريقة والتقليل منه وكدا..
أصل دايمًا العود المكسور يعايب على العود السليم!
المهم "محمود" نزل استوريز على الفيس، كتب فيها: "اللي يزعق لحرمة يبقى حرمة"
فما كان من "راجح" دا إلا إنه اتربص له هو وشوية من المقاطيع بتوعه، وفعلًا ثبتوه في الشارع، و"راجح" ضربه، واتصور فيديو ما قدرتش ارفعه، ولكن هتلاقوه منتشر لو عايزينه، "محمود" باين عليه الرعب، وكل اللي ماشي حواليه عمل اعمى!
واحد بس حاول يحوش، فراح واحد من المقاطيع مانعه، لحد ما راح "راجح" مطلع مطواة وطعن "محمود" في بطنه وجانبه وضهره، وبعدين رشقها في رقبته، عشان يموت ودمه يروح هدر، بسبب التربية الوسخة، والبيئة الفاسدة اللي بقينا مضطرين نطلع عيالنا فيها.
أصحاب "محمود" عملوا هاشتاج #راجح_قاتل على تويتر، وهو المتصدر دلوقت، كنت في الأول مفكر الهاشتاج #راجل_قاتل ! كنت مندهش، هو اللي قتل دا ازاي يوصفوه بالراجل، دي صفة أبعد ما تكون عنه هو وأهله، ربنا يرحم المقتول ويبرد نار أبوه وأمه..
القاتل دا نبت فاسد، هو وعيلته اللي يقال ماعرفوش يلموه فشجعوه، شرب مخدرات وتصرفات مشينة وحاجة تقرف، ودايمًا العيلة أو الأسرة هي مكنة التفريخ اللي بيقوم على انتاجها المجتمع، لأنها بتصنع أهم عنصر في أي وطن، ألا وهو المواطن نفسه..
وعشان كدا إذا صلحت العيلة صلح المجتمع كله، وإذا فسدت فسد المجتمع كله،
"فالعائلة الفاسدة هي النكبة التي تخسف بأي مجتمع" 👌💔😤👊
الحادثة دي لازم تبقى تريند، شيروها،
Nery Gabr
ليست هناك تعليقات:
إرسال تعليق